Fréttir

Gengið hefur verið frá sölu á Stóra Seli. Endurbyggingu hússins lauk síðla árs 2019 og fór húsið á sölu í framhaldi. Nýjum eigendum er óskað til hamingju með þetta sérstaka og fallega hús.

Minjavernd hefur unnið að uppbyggingu húss sem mun rísa á Starhaga 1. Húsið mun koma í sölu í apríl 2020. Húsið stóð áður á Laugavegi 36 en hefur verið gert upp frá grunni.

Uppbygging fyrsta bændaskóla landsins í Ólafsdal er hafin. Unnið hefur verið að endurbótum á aðalbyggingu, mjólkurhúsi, fjósi og skemmu. Eins hefur farið fram fornleifauppgröftur í dalnum. Nýlega var borað eftir heitu vatni í Ólafsdal sem kemur að góðum notum.

Húsið Stóra Sel við Holtsgötu 41 er komið á sölu hjá Eignamiðlun. Vel heppnaðri endurbyggingu Stóra Sels er lokið og er áhugasömum bent á að hafa samband við Kjartan hjá fasteignasölunni Eignamiðlun.

Minjavernd hefur nú lokið við byggingu tveggja húsa í Flatey á Breiðafirði. Um er að ræða geymsluhús staðsett á ferjubryggju og 7 herbergja nýbyggingu þar sem er snyrting, gott alrými og eldhús. Nýbyggingin hefur hlotið nafnið Friðheimar. Húsin voru reist í tengslum við þann rekstur sem fyrir er í gömlum pakkhúsum félagsins í Flatey.

Undir lok liðins árs seldi Minjavernd húseign sína Lækjargötu 10 í Reykjavík til Íslandshótela hf. Minjavernd keypti húsið af Íslandsbanka árið 2014.

Minjavernd hf. seldi undir lok ársins 2018 öll hús sem félagið endurbyggði á Fáskrúðsfirði í tengslum við verkefnið Franski spítalinn. Kaupandinn er félagið Austureignir ehf. en Íslandshótel hf munu áfram reka þar hótel undir nafninu Fosshótel Austfirðir

Litbrigði húsanna – saga Minjaverndar hf. Um margra ára bil hefur staðið til að taka saman yfirlit yfir verkefni Minjaverndar hf. Það þykir eðlilegur hluti hvers endurbyggingarverkefnis að taka saman upplýsingar, fróðleik og lýsingu á verkefni.

Minjavernd er nú að reisa tvær nýbygginar í Flatey við Breiðafjörð.

Sigurður Jónsson járnmiður lét byggja húsið 1882 að Vesturgötu 16 b og hafði járnsmiðju sína í austurhluta neðri hæðar hússins.