Fréttir

Franska skútan I´Étoile til Fáskrúðsfjarðar

Það var tilkomumikil sjón að sjá Frönsku skútun I´Étoile sigla þöndum seglum inn Fáskrúðsfjörðinn síðastliðinn föstudag. Um borð í skútun voru franskir sjóliðar en skútan er skólaskip franska sjóhersins. Tilgangur heimsóknarinnar er að styrkja bönd Frakka og Austfirðinga, meðal þess sem frönsku sjóliðsforingjaefnin gerðu var að skoða framkvæmdir Minjaverndar við endurbyggingu húsaþyrpingarinnar í kringum Franska spítalann.

Heimsókn frá Graveline í Frakklandi

Þriðjudaginn 9. apríl voru góðir gestir á ferð um Fáskrúðsfjörð, þar var komin sendinefnd frá Graveline sem er vinabær Fáskrúðsfjarðar til að skoða þær framkvæmdir sem Minjavernd stendur fyrir. Hópurinn fékk leiðsögn um svæðið og hvert hús skoðað að innan sem utan ásamt því að fá kynningu á safninu sem kemur til með að vera í undirgangi og í Læknishúsinu.

Umfjöllun um Franska spítalann á N4

Fimmtudaginn 11. apríl var umfjöllun á N4 í þættinum Glettur - Austurland hjá Gísla Sigurgeirssyni um Franska spítalann, í þættinum er sýnt hvernig hvernig framvinda verkefnisns hefur gengið og tekinn viðtöl við nokkra starfsmenn Minjaverndar.